Hápunktar frá Nordic Women in Tech Awards 2023

Í síðustu viku fóru Norrænu tækniverðlaunin: Nordic Women in Tech fram í Hörpu, þar sem konur í tæknigeiranum alls staðar frá Norðurlöndunum komu saman. Viðburðurinn, sem var í alla staði hinn glæsilegasti, var vel sóttur og bar vitni um ótrúlegt framlag kvenna til þessa síbreytilega og fjölbreytta geira.

Brautryðjendur koma saman

Áhrifamiklar konur frá Norðurlöndunum stigu á svið og deildu innsýn og reynslu sem sló í mark hjá áhorfendum. Meðal gesta voru Eliza Reid, forsetafrú Íslands, sem flutti glæsilegt erindi um áframhaldandi jafnréttisbaráttu og lagði áherslu á mikilvægi þrautseigju, jafnvel á tímum framfara og nýsköpunar.

Áslaug Arna Sigurbjörnsdóttir, mennta- og nýsköpunarráðherra, lagði áherslu á mikilvægi fyrirmynda í tækniiðnaðinum. Á sviði sem breytist hratt benti hún á þörfina fyrir sterka leiðbeinendur sem vísa næstu kynslóð veginn og hvatti gesti í salnum til að taka þetta til sín. 

Baddy Sonja Breidert, framkvæmdastjóri 1xINTERNET, deildi sögu sinni í tæknigeiranum sem hófst í raun við 10 ára aldur, þar sem sterkar konur hafa litað allan hennar feril.

Viðurkenning fyrir gott starf

Verðlaun fyrir „Mentor ársins“  kom í hlut Ragnhild Hånde frá Forte Digital. Þessi verðlaun eru vitnisburður um glæsilega leiðsögn hennar í tæknigeiranum, en verðlaunin veitti Hadda Hreiðarsdóttir, markaðsstjóri 1xINTERNET. 

Við sendum innilegustu hamingjuóskir til allra þeirra kvenna sem voru tilnefndar, þeirra sem komust í úrslit og svo auðvitað sigurvegurum kvöldsins. 

Sigurvegarar 2023 á Nordic Women in Tech Awards voru:

• Jonah Andersson: Forritari ársins
• Jennifer Montague: Stafrænn leiðtogi ársins
• Chisom Udeze: Fjölbreytni leiðtogi ársins
• Marianne Andersen: Talsmaður kvenna í tækni
• Annu Nieminen: Frumkvöðull ársins
• Laura McGrath: Frumkvæði ársins
• Tove Mylläri: Brautryðjandi ársins
• Joo Sundström: Fjárfestir ársins
• Ragnhild Hånde: Mentor ársins
• Safa Jemai: Rísandi stjarna ársins
• Jenifer Clausell Tormos: Liva Echwald verðlaunin 2023

Saman erum við sterkari

Plamena Cherneva, stofnandi Nordic Women In Tech Awards, lýsti yfir þakklæti fyrir stuðning og þátttöku allra sem komu að viðburðinum; hún lagði áherslu á einstök gæði tilnefndra og sigurvegara þessa árs, og þakkaði forystu þeirra, leiðsögn og frumkvæði.

Norrænu tækniverðlaunin 2024 verða haldin hátíðleg í Osló, og eftirvæntingin leynir sér ekki. 

1xINTERNET var einn af aðal styrktaraðilum Norrænu tækniverðlaunanna en við hlökkum til að taka þátt í fleiri verkefnum sem leggja áherslu á að kynna og hvetja konur í tækni.