Vorgleði hjá Þýsk íslenska viðskiptaráðinu

Tímabilið frá miðjum apríl fram í júní lok er kallað “Spargelzeit” eða tímabil aspasins í Þýskalandi en þá er hvítur aspas fyrirferðamikill í matargerð þar í landi.

Þegar aspasinn kom til Íslands í lok apríl var heldur betur tilefni til að gera sér glaðan dag.

1xINTERNET á rætur að rekja til Þýskalands en fyrirtækið er með höfuðstöðvar í Frankfurt og stór hluti viðskiptavina þýsk fyrirtæki og stofnanir.

Baddý Sonja Breidert einn af eigendum 1xINTERNET er í stjórn Þýsk-íslenska viðskiptaráðsins sem vinnur að því að styrkja viðskiptasamband milli Þýskalands og Íslands.

Til að fagna komu aspasins var tilvalið að bjóða starfsmönnum 1xINTERNET á Íslandi, ásamt nokkrum góðum íslenskum viðskiptavinum upp á vorhátíðarmatseðil að hætti þjóðverja.

Matreiðslumeistarar Nauthóls buðu okkur upp á eftirfarandi matseðil:

• Grillaður hvítur aspas
• Kálfaschnitzel með grænmeti og trufflugljáa
• Þýsk eplakaka með vanilluís

Helga Braga sá um veislustjórn með sinni einstöku snilld, Helgi Björns tók nokkur lög og DJ Marinó hélt uppi stuðinu fram eftir nóttu.